Style guide Toki Pona (tok)

toki! lipu ni li pana e nasin pona tawa ante toki sina. sina kepeken ni la, o kepeken General Mozilla L10n Style Guide kin. ante toki ale pi ilo Mozilla li kepeken nasin tan lipu ni.

sina wile e sona la, o lukin:

jan pi toki pona li lon ale ni.

nasin toki en nasin pu

ante toki sina la, ni li suli nanpa wan: jan ale o ken sona e toki.

tan ni la o kepeken nasin pu taso lon ante toki sina. jan mute li kepeken nasin ante. taso, jan mute li sona e nasin pu. jan ale o sona e ante toki ni la, nasin pu li suli, li pona nanpa wan. ni la, nasin pu li suli, li pona nanpa wan.

nasin ni kin li pona. jan mute li sona e ona. lipu ni li pona tawa nasin pu.

ku la, nasin pu li ante lili. tan ni la, o sona e ante tan ku. o kepeken ante tan ku.

nasin sona

nasin pi tenpo suno

sina toki e tenpo suno wan la, o kepeken nasin ni:

  • YYYY-MM-DD

anu nasin ni:

  • tenpo sike #YYYY, tenpo mun #MM, tenpo suno #DD
  • sike #YYYY, mun #MM, suno #DD

nasin pi tenpo lili

sina toki e tenpo lili la, o kepeken nasin ni:

  • HH:MM:SS

nasin nanpa

sina toki e nanpa lili la, o kepeken nasin pu:

  • ijo wan
  • ijo tu
  • ijo tu wan
  • ijo tu tu
  • ijo luka
  • ijo luka wan
  • ...

sina toki e nanpa suli la, o kepeken nasin nanpa Arabic:

  • ijo 233
  • ijo 29
  • ijo 45,123,765,233
  • ijo 1,784

ni li pona kin:

  • ijo 45123765233
  • ijo 1784

nanpa ijo li suli ala la, o kepeken nasin ni:

  • ijo mute

nanpa pi ilo toki

nanpa pi ilo toki li sama lukin ni:

(###) ###-####

ona li jo e sitelen sike lon kulupu nanpa wan. kulupu nanpa tu en kulupu nanpa tu wan li wan tan sitelen palisa.

nasin sona pi toki pona

nimi pona

o kepeken nimi pu taso.

sina wile kepeken nimi ku suli la, o toki tawa jan lon ilo Discord

nimi ku ante la, o ni kin. taso, nimi ku ante li ken ike. sina kepeken nasin pu la, ante toki sina li pona.

sina sona ala e tan nimi la, o lukin e lipu Linku. ona li jo e tan pi nimi ale.

nimi pi toki ante

toki pona la, o kepeken ala e sitelen suli lon nimi pi toki pona. sina kepeken nimi pi toki ante, kepeken nimi ijo, kepeken nimi jan la, sitelen wan ona li suli. o lukin:

  • ma Asija (Asia)
  • ma Elopa (Europe)
  • toki Inli (English)
  • toki Kanse (Français)
  • toki Nijon (日本語)

toki pona taso la, ni:

  • ilo sona
  • ma pona
  • toki pona

suli la, nimi pi toki pona ala li ante lon toki pona. taso, nimi ante li ken pakala, li ken pana ala e sona tan ante ni. pona la, o kepeken nasin ni:

nimi ma en nimi toki la, o kepeken nasin pi toki pona:

  • ma Epanja (España)
  • ma Nijon (日本)
  • ma suli Elopa (Europa)
  • ma tomo Towano (Toronto)
  • toki Epanja (Español)
  • toki Inli (English)
  • toki Nijon (日本語)

nimi pi toki ante li jo ala e nimi pi toki pona la, o toki tawa jan ale lon ilo Discord.

nimi ilo en nimi pi kulupu pali la, o kepeken nasin pi toki pona ala:

  • ilo Common Voice
  • ilo Mozilla
  • ilo Pontoon
  • kulupu Mozilla
  • lipu Wikipedia

sina ante e ni kepeken nasin pi toki pona la, ken la nimi ona li pakala. kin la, toki ante li ante ala e nimi ni.

nasin pi ante toki

o lukin e lipu General Mozilla L10n Style Guide.